Aðalfundur rafverktaka á Norðurlandi haldinn á Akureyri

Félagsmenn ræddu stöðu greinarinnar, samþykktu reikninga og völdu nýja stjórn

Aðalfundur Félags rafverktaka á Norðurlandi (FRN) fór fram á Hótel KEA á Akureyri 8. janúar 2026. Fundurinn var löglega boðaður og haldinn samkvæmt áður auglýstri dagskrá. Fjölmenni mætti til fundarins og voru fundargerðir og reikningar samþykkt einróma.

Skýrsla stjórnar og samþykktir reikningar

Aðalsteinn Þór Arnarsson, formaður FRN, flutti skýrslu stjórnar um starfsemi félagsins á liðnu starfsári. Þá lagði Gunnar Ingi Jónsson fram reikninga félagsins fyrir árið 2024 sem voru samþykktir án athugasemda.

Breytingar í stjórn

Í stjórnarkjöri var Eva Dögg Björgvinsdóttir kjörin sem ritari félagsins í stað Gísla Sigurðssonar sem lokið hafði 3 ára kjörtímabili og sóttist ekki eftir endurkjöri. Þá óskaði Jónas R. Magnússon, varamaður, eftir að láta af störfum og tók Gunnar Valur Eyþórsson sæti hans sem varamaður. Báðar kosningarnar fóru fram með einróma samþykki.

Nýkjörin stjórn FRN er þannig skipuð:

• Aðalsteinn Þór Arnarsson, formaður
• Gunnar Ingi Jónsson, gjaldkeri
• Eva Dögg Björgvinsdóttir, ritari
• Gunnar Valur Eyþórsson, varamaður

Aðalsteinn Þór Arnarsson situr áfram í stjórn Samtaka rafverktaka (SART) sem aðalmaður, en Gunnar Ingi Jónsson var endurkjörinn sem varamaður í stjórn SART.

Áhersla á sólarorkuver og vinnustaðaskírteini

Rætt var um rafræn vinnustaðaskírteini frá www.veistuhvar.is  og lauslega sýnt hvernig kerfið virkar. Félagsmenn njóta sérstakra kjara kjósi þeir að innleiða rafrænn innustaðaskírteinin.

Þá flutti Óskar Frank Guðmundsson, fulltrúi HMS, erindi um sólarorkuver og öryggiskröfur sem þeim tengjast. Hann lagði áherslu á að rafverktaki sem setur upp sólarorkuver verður að ganga úr skugga um hvort umfang framleiðslunnar fari yfir mörk neysluveitu yfir í að vera rafveita.

Þá fór hann yfir þær viðbætur sem rafverktaki þarf að bæta við öryggisstjórnunarkerfið sitt þegar hann er að vinna við sólarorkuver.Lokaorð

Fundinum lauk kl. 18:58 eftir gagnlegar og upplýsandi umræður um málefni rafverktaka. Mikil áhersla var lögð á faglega framkvæmd starfa, aukna öryggisvitund og áframhaldandi þróun innan greinarinnar.