Vorferð FLR
Fréttir
Vorferð félags löggiltra rafverktaka, FLR var farin föstudaginn 3. maí sl. umþað bil 40 manns voru skráðir í ferðina sem að þessu sinni var farin um Suðurland.
Byrjað var á að heimsækja Írafossvirkjun þar sem hópurinn fékk góða leiðsögn frá Guðmundi Finnbogasyni sem sagði frá virkjuninni og saga virkjana í Soginu var rakin.
Frá Ísafossvirkjun lá leiðin á Selfoss þar sem Guðjón Guðmundsson framkvæmdastjóri Árvirkjans tók á móti hópnum og bauð upp á veitingar.
Því næst var nýi miðbærinn á Selfossi skoðaður undir leiðsögn Guðjóns og að lokum bauð Þorvaldur Guðmundsson fyrir hönd Reykjafells ferðalöngum til glæsilegs kvöldverðar á Hótel Selfoss áður en haldið var til Reykjavíkur að áliðnu kvöldi.
Skemmtinefnd FLR, þeir Pétur H. Halldórsson, Hafþór Ólason og Róbert E. Jensson sáu um skipulagningu ferðarinnar og þess má geta að Guðjón Guðmundsson framkvæmdastjóri Ljósþráðarins sá um að keyra hópinn á rútu frá ME travel.
