Stjórn Samtaka rafverktaka, SART, heimsótti Norðurál á Grundartanga föstudaginn 6. nóvember. Stjórnarmenn fengu þar góða kynningu á starfsemi fyrirtækisins. Að henni lokinni var farið í skoðunarferð um kerskála og steypuskála álversins.
Álverið á Grundartanga framleiðir rúmlega 300.000 tonn af áli á ári og hjá Norðuráli starfa yfir 700 manns. Útflutningsverðmæti fyrirtækisins nam rúmlega 101 milljarði króna árið 2025, eða um 11% af heildarútflutningsverðmætum Íslands það ár.
Eftirtalin tóku á móti stjórninni og kynntu starfsemi Norðuráls:
- Sigrún Helgadóttir, framkvæmdastjóri Norðuráls Grundartanga
- Fjalar Ríkharðsson, framkvæmdastjóri kerskála
- Baldur Bjarnason, framkvæmdastjóri tæknisviðs
- Sigríður Harðardóttir, framkvæmdastjóri mannauðssviðs
Í álveri af þessari stærð eru raforka og rafbúnaður undirstaða alls rekstrarins. Heimsóknin gaf stjórninni því dýrmæta innsýn í umfang og kröfur starfseminnar og í þau tækifæri sem þar eru fyrir rafiðnaðinn.
Stjórn SART þakkar Norðuráli kærlega fyrir höfðinglegar móttökur og fróðlega kynningu.
