Aðalfundur SART

Aðalfundur Samtaka rafverktaka, SART, verður haldinn á Grand Hótel föstudaginn 28. maí kl. 09.00-12.00.

Að þessu sinni verður fundurinn haldinn í ráðstefnusalnum Háteig 4 hæð.

Dagskrá aðalfundar er samkv. 22. gr. í samþykktum SART:

1. Formaður og framkvæmdastjóri gera grein fyrir störfum stjórna og skrifstofu
   fyrir liðið ár.
2. Reikningar samtakanna fyrir liðið reikningsár.
3. Formenn aðildarfélaga eða fulltrúar þeirra gera grein fyrir sínum félögum.
4. Umræður og afgreiðsla mála sem á löglegri dagskrá eru.
5. Kosning formanns.
6. Kosning tveggja skoðunarmanna og varamanna þeirra.
7. Viðhorfskönnun SART
8. Lögfræðiþjónusta SI
9. Staðlaðar magntölulýsingar, kynning frá Ákvæðisvinnustofu rafiðna
10. Önnur mál.

Eftir fundinn bjóða Reykjafell, Johan Rönning og Smith & Norland fundargestum til hádegisverðar á Setrinu.

Samtök rafverktaka, SART, boða til ráðstefnu sem verður í beinu streymi föstudaginn 28. maí. kl.14.00-15.30.

Ráðstefnan sem ber yfirskriftina Útboðsmarkaður rafverktaka - Hvert stefnum við? er haldin í framhaldi af aðalfundi SART en er öllum opinn sem áhuga hafa á málefninu.

Stórstígar breytingar hafa orðið síðustu ár á útboðsmarkaði rafverktaka en hafa þessar breytingar orðið til góðs? Á fundinum verður leitast við að fá svör við þessari og fleiri spurningum sem brenna á löggiltum rafverktökum.

Ráðstefnustjóri er Kristján Daníel Sigurbergsson, framkvæmdastjóri SART.

Dagskrá

Hjörleifur Stefánsson, formaður SART
Björg Ásta Þórðardóttir, yfirlögfræðingur SI
Gestur Pétursson, framkvæmdastjóri Veitna
Guðjón L. Sigurðsson, rafmagnsiðnfræðingur og ljósvistarhönnuður IALD, Liska
Pallborðsumræður

Jóhanna Klara Stefánsdóttir sviðsstjóri Mannvirkjasviðs SI
Björgvin Víkingsson, forstjóri Ríkiskaupa
Ólafur Steingrímsson, teymisstjóri, innkaupaskrifstofu Reykjavíkurborgar
Eiríkur Jóhannsson, framkvæmdastjóri Fagtækni.
Til að nálgast streymið er hægt að skanna inn QR-kóðann hér fyrir neðan eða nálgast streymið hér: https://youtu.be/5CYqhdI98MY

Í dag var sendur tölvupóstur á löggilta rafverktaka og rafeindavirkja innan SART með hlekk á viðhorfskönnun sem SART stendur fyrir.
Könnunin er liður í undirbúning fyrir stefnumótunarvinnu SART sem farið verður í á haustdögum.
Ekki er hægt að rekja svörin til þátttakenda en góð þátttaka gefur skýrari sýn á viðhorf og væntingar félagsmanna til SART.
Við bindum vonir við að góða þátttöku og hlökkum til að sjá niðurstöður könnunarinnar.

Vefur SART hefur verið uppfærður þannig að nú geta notendur skráð sig inn á innri vef SART með rafrænu auðkenni.

Þetta einfaldar félagsmönnum allt aðgengi að gögnum og er í samræmi við stefnu SART um að efla heimasíðu samtakanna.

Reikna má með aukinn aðsókn nema í vinnustaðanám á vordögum enda leggur nú metfjöldi nema stund á rafiðngreinar.

Til að mæta þessari þörf hefur RAFMENNT opnað fyrir aðstoð við nemendur í leit að vinnustaðanámi.
Sérstakt umsóknareyðublað er á vef RAFMENNT  og æskilegt er að umsókninni fylgi ferilskrá þar sem fram kemur staða í námi og upplýsingar um fyrri störf.
SART skorar á félagsmenn sína um að bregðast vel við og taka nema á samning enda er það mikið hagsmunamál fyrir rafiðnaðinn að hafa góðan aðgang að vel menntuðum rafiðnaðarmönnum.

Nánari upplýsingar veitir Alma Sif hjá RAFMENNT almasif@rafmennt.is  s. 540 0171

Töluvert er um að félagsmenn hafi haft samband við skrifstofu SART og leitast eftir því að fá aðgang að sniðmáti sem þeir geti svo aðlagað að sýnu gæðakerfi.

Á lokuðu svæði sem er eingöngu fyrir félagsmenn er komið inn undir valmyndinni Eyðublöð og samningar sniðmát fyrir þjónustusamning vegna brunaviðvörunarkerfa.