Húsnæðis- og mannvirkjastofnun hefur gert þrjú fræðslumyndbönd um helstu atriði sem þarf að hafa í huga tengd rafbílum og hleðslu þeirra í samstarfi við Samtök rafverktaka, SART. Mikil aukning hefur orðið á rafbílum hér á landi og hafa hleðslustöðvar verið að spretta upp um allt land, bæði á heimilum og við vegi. Á vef HMS segir að þessi aukning sé einna jákvæðust fyrir þær sakir að allt rafmagn sem við Íslendingar notum er framleitt innanlands. Á heimilum með rafbíla eru þeir lang orkufrekasta raftækið. Mikilvægt er að kynna sér vel þær reglur sem hafa verið settar fram fyrir öryggi rafbíla, bæði tengt raflögnum og hleðslustöðvum. Það er sífellt að aukast að Íslendingar kaupi sér rafbíla og uppsetning þeirra þarf alltaf að gera ráð fyrir enn meiri fjölgun. Eigendur rafbíla í fjöleignarhúsum þurfa þó að gera allar breytingar í sameign með leyfi annarra íbúa. 

Haustfundur Rafstaðlaráðs RST 4. nóvember 2020

Fjarfundur á Teams kl. 12:00 - 13:00

SKRÁNING >>
DAGSKRÁ

12:00-12:05
Fundur settur
Emil Sigursveinsson, formaður Rafstaðlaráðs

12:05-12:15
Uppbygging innviða  - Aðgerðir til úrbóta
Dóra Hjálmarsdóttir hjá Verkís

12:15-12:25
Virka fjarskipti í óveðri?
Magnús Hauksson hjá Neyðarlínunni

12:25-12:35
Strengvæðing RARIK
Helga Jóhannsdóttir hjá RARIK

12:35-12:45
Hvernig bætum við afhendingargetu?
Gnýr Guðmundsson hjá Landsneti

12:45-13:00
Umræður

13:00 Fundi slitið
Emil Sigursveinsson, formaður Rafstaðlaráðs

SKRÁNING >>

Í vor átti stjórn FLR frumkvæði að því að settur var upp lokaður Facebook hópur með nafninu Félag löggiltra rafverktaka sem var eingöngu hugsaður fyrir félagsmenn FLR.
Þetta framtak hefur vakið verðskuldaða athygli og hafa borist beiðnir frá félagsmönnum SART utan FLR um aðgang að síðunni, þær umsóknir voru settar á bið en nú verður opnað fyrir þær.
Aðilar utan SART hafa einnig sýnt áhuga á að fá aðgang að hópnum en ekki hefur verið orðið við þeim óskum.
Að sögn Pétur Halldórssonar, formanns FLR og varaformanns SART, hefur stjórn FLR ákveðið að opna aðgang fyrir alla félagsmenn SART og verður nafni hópsins breytt í SART – FLR, Félag löggiltra rafverktaka
„Löggiltir rafverktakar innan okkar samtaka eru flestir að eiga við sömu áskoranirnar hvar sem þeir eru staddir á landinu og stjórn FLR vonast til að sem flestir félagsmenn SART muni notfæra sér þennan vettvang til að skiptast á hugmyndum og upplýsingum.“

Í vor gaf embætti landlæknis út leiðbeiningar til þeirra sem sinna þjónustu, eftirliti og viðgerðum á heimilum eða í fyrirtækjum. Þar kemur meðal annars fram gátlisti útsendra starfsmanna vegna COVID-19 og listað er upp hvað þarf að hafa í huga við störf á heimilum annarra eða í fyrirtækjum meðan farsótt geisar.

Hér er hægt að nálgast leiðbeiningar Embættis landlæknis. 

Aðalfundur SART haldinn var föstudaginn 5. júní  á Hótel Hilton Reykjavík Nordica. Fyrir fundinn buðu heildsölurnar Johan Rönning, Reykjafell og Smith & Norland fundarmönnum í hádegisverð. Auk hefðbundinna aðalfundarstarfa flutti Árni Sigurjónsson, formaður S, ávarp og Ingólfur Bender, aðalhagfræðingur SI, flutti erindi Íslenska hagkerfið – Byggingar og mannvirkjagerð á tímum COVID-19. Einnig greindi Þór Pálsson, framkvæmdastjóri RAFMENNT, fundarmönnum frá starfseminni á síðastliðnu ári.

Samtök iðnaðarins hafa sent inn kæru til kærunefndar útboðsmála vegna samninga Reykjavíkurborgar við Orku náttúrunnar (ON) um rekstur, viðhald og LED-væðingu götulýsingar í Reykjavík.
Fram kemur í kærunni að SI telja að viðskipti borgarinnar við ON séu útboðsskyld og krefjast þess að samningurinn verði lýstur óvirkur og borginni verði gert skylt að bjóða innkaupin út. Þá segir að LED-væðingin feli í sér að skipta út lömpum til að fá betri ljósastýringu og minna viðhald en hver lampi á að borga sig upp á sex til sjö árum. Alls séu um 30 þúsund ljósastaurar í borginni og raforkan sé keypt af ON. Fleiri sveitarfélög á höfuðborgarsvðinu hafi ekki farið í útboð, en kæran beinist að borginni þar sem hún sé stærsta sveitarfélagið.
Jóhanna Klara Stefánsdóttir sviðsstjóri á mannvirkjasviðs SI segir málið þríþætt „Í fyrsta lagi teljum við það óeðlilegt að daglegt viðhald á búnaði sé ekki boðið út hjá Reykjavíkurborg en slíkt tíðkast annars staðar hér á landi og erlendis. Í öðru lagi viljum við að þessi einskiptisaðgerð sem LED-væðingin er verði boðin út, enda er um að ræða verkefni sem atvinnulífið getur vel sinnt. Í þriðja lagi skiljum við ekki hvernig hægt er að færa rök fyrir því að þessi verkefni endi á borði Orku náttúrunnar án útboðs.“

Frérr á vef Fréttablaðsins

Frétt á vef SI